អេស្ប៉ាញ៖ បន្ទាប់ពី Real Madrid បានយកឈ្នះ Liverpool លើកពាន Champions League វគ្គផ្ដាច់ព្រ័ត្ររួចមក អ្នកកាសែត Fabrizio Romano បានបង្ហើបថា ខ្សែបម្រើ Luka Modric នឹងបន្តកុងត្រាថ្មីថែម១ឆ្នាំទៀតក្នុងការស្នាក់នៅទឹកដី Santiago Bernabeu ។​

ភាគីលោក Carlo Ancelotti បានយកឈ្នះ Liverpool ១ ទល់នឹង ០ ដោយ Vinicius Jr. ជាអ្នករកគ្រាប់ជ័យជំនះនៅនាទីទី៥៤ និងលើកពានទី១៤ក្នុងប្រវត្តិសាស្ត្ររបស់ក្លិប។​

ដោយឡែក Modric ដែលជាកីឡាករចាស់វស្សានៅ Real Madrid បានឈ្នះពាន UCL លើកទី៥ក្នុងអាជីពខ្លួន នឹងអស់កុងត្រាជាមួយក្លិបនៅខែមិថុនាខាងមុខនេះហើយ ប៉ុន្តែសារព័ត៌មាន Marca និងអ្នកកាសែត Fabrizio Romano សុទ្ធតែចុះផ្សាយថា កីឡាករសញ្ជាតិក្រូអាតរូបនេះនឹងបន្តកុងត្រាថែម១ឆ្នាំទៀតដោយទទួលបានប្រាក់ឈ្នួលដូចនឹងកុងត្រាចាស់នេះដែរ។​

Beautiful news for Real Madrid during the celebrations: Luka Modrić has signed a new contract until June 2023, here we go! 🚨⚪️ #Modric

Full verbal agreement was reached two months ago – so it’s now also signed and completed. Official statement pending.

Luka se queda. 🇭🇷🤝 pic.twitter.com/C3HayEwql3

— Fabrizio Romano (@FabrizioRomano) May 28, 2022

Romano បានបង្ហើបថាការចរចាបន្តកុងត្រាថ្មីបានរួចរាល់អស់ហើយគឺតាំងពីពីរខែមុន ហើយ Real Madrid នឹងប្រកាសពីដំណឹងនេះនាពេលឆាប់ៗខាងមុខ៕