អឺរ៉ុប៖ លោក Carlo Ancelotti បាននិយាយថាការប្រកួត Champions League វគ្គផ្ដាច់ព្រ័ត្រទល់នឹង Liverpool គឺស្រួលជាងប្រកួតទល់នឹង ក្រុមណាៗទាំងអស់។​

Real Madrid បានលើកពាន UCL ទី១៤ក្នុងប្រវត្តិសាស្ត្ររបស់ក្លិបកាលពីថ្ងៃទី២៩ ខែឧសភា កន្លងទៅ បន្ទាប់ពី Vinicius Jr. រកបាន១គ្រាប់នៅនាទីទី៥៤ ជួយឲ្យក្រុមយកឈ្នះ ភាគីលោក Jurgen Klopp ក្នុងលទ្ធផល ១ ទល់នឹង ០។​

ជ័យជំនះនេះបានធ្វើឲ្យលោក Carlo Ancelotti ឈ្នះពាន UCL លើកទី២ហើយជាមួយ Real Madrid ដោយលើកទី១ លោកបានឈ្នះកាលពីឆ្នាំ ២០១៤។​

នៅរដូវកាលនេះក្រោយឆ្លងផុតវគ្គចែកពូលនៅ UCL គឺ Real Madrid បានទម្លាក់ក្រុម Paris Saint-Germain នៅវគ្គ១៦ក្រុម, Chelsea នៅវគ្គ៨ក្រុម, Manchester City នៅវគ្គពាក់កណ្ដាលផ្ដាច់ព្រ័ត្រផងដែរ។​

លោក Ancelotti បែរជានិយាយថាការប្រកួតទល់នឹង Liverpool បែរជាស្រួលជាងប្រឈមនឹងក្រុម PSG,Chelsea និង Man City ទៅវិញ៖ បើយើងរំលឹកសារឡើងវិញ មានមនុស្សជាច្រើនបាននិយាយថា PSG គ្រាន់តែសំណាងអាក្រក់, Chelsea ក៏សំណាងអាក្រក់, Manchester City ក៏សំណាងអាក្រក់, នេះជាការប្រកួតតែ១គត់ដែល មនុស្សគិតថាពួកយើងខ្លាំងឬខ្សោយជាងពួកគេ។ ខ្ញុំគិតថាវាពិតជាជួយបានច្រើនព្រោះ Liverpool ជាក្រុមដែលស្រួលបំបាក់ជាងក្រុមផ្សេងព្រោះពួកគេមានអត្តសញ្ញាណមួយដ៏ច្បាស់់លាស់ ដែលពួកយើងរៀបចំលេងទប់ទល់នឹងទម្រង់របស់ពួកគេ។