ក្រោយពីមើលឃើញសន្ទុះគាំទ្រមហាធំធេងនៅប្រទេសកម្ពុជាមក ស្ថាប័ន ONE Championship បានចាត់ទុកគូបើកឆាកនេះនឹងធ្វើឱ្យអ្នកគាំទ្រជក់ចិត្តមិនខាន។
ចាន់ រតនា នឹងប៉ះអ្នកលេងគុនចម្រុះចិន Xie Wei ក្នុងព្រឹត្តិការណ៍ ONE: Collision Course នៅល្ងាចនេះឯង ដើម្បីជាដំណើរមួយសម្រាប់រូបគេឆ្ពោះទៅរកការដណ្ដើមខ្សែក្រវាត់។ បើទោះជាការប្រកួតរបស់ទូតសុឆន្ទៈរបស់សែលកាតខាងលើនេះ មិនមែនជាគូឯកមែន ប៉ុន្តែសម្រាប់ ONE បានចាត់ទុកវានឹងក្លាយជាគូដែលមានអ្នកគាំទ្រទស្សនាច្រើនជាក់ជាមិនខាន។
ជាមួយការប្រកួតដ៏ជក់ចិត្តនេះដែរ ចាន់ រតនា ជឿជាក់ថានឹងមានម្នាក់សន្លប់ជាក់ជាមិនខាន បើមិនមែនរូបគេទេគឺមានតែកីឡាករចិន។ Xie Wei ជាកីឡាករម្នាក់ដែលប្រយុទ្ធមិនដកដៃ វាយដើម្បីយកឈ្នះ ដូច្នេះហើយច្បាស់ណាស់នឹងមានម្នាក់សន្លប់មិនខាន មិនដល់ចប់ទឹកទេ៕
ប្រភព ៖ Sabay News
